( خواطر )
سامح ايليا
فى لحظة صفا
وليلة دفا
انا وابن عمى
وجارنا ابو الوفا
حكينا وروينا
ع المية والجنينة
وعن عم حربى
حرامى المدينة
وازاى كان بيسرق
ومين كان بيحرق
وايه الحكاية ؟؟
دا واحد بيغرق
جرينا بسرعة
وقولنا الكل يوعى
يا عالم كفاية
دى اكلة ومرعى
فين الضمير ، زى الشعير
يتفرز ويتصفى والرماد يطير
على كل حال
عمال او بطال
الكل شايف نفسه
معندوش اهمال
مات الضمير وخلاص
ومبقاش عندنا احساس
ايه يعنى بلد هتخرب
مادمت انا اعلى الناس
الله عليك يا وطن
لما تعدى م المحن
تعلا وتعلا وتكبر
وتدوس ع الشجن
حلوة المحبة يا بشر
نبص شوية للقدر
نفكر شوية بعقولنا
واللا هو مرض وانتشر
اقول لكم لينا رب رحيم
غالب وعالى وعظيم
قادر يهدينا كلنا
ويبعدنا عن التعظيم
سامح ايليا
السبت مارس 26, 2016 1:34 am من طرف حسين محمد
