إ ســمـِــــــــــك
ولا ألف جـَـــرح
وألف موت بيهـِدّنــى
ولا زىّ صوتـِك لما باهتـِف
هـَــــزِّنــــى
دة انا لما اقول إسمـِك هـِتاف
أو حتى همس
كـأنـّى بالمـِس
بـِكـفّ إيـــدى
ألف شمس
والاقى صوتى يتـتـنى
وحباله تتـمـَدّد
وتـِفـرد فى الحناجـِر
ميــت طـــريــــق
وحباله تـِتـمـَدّ لإدين
قلب الغــريـــق
تـُشـبـُك وريده ف قلبها
والحبل يـِتلـَفـلـِف مشانـِق
جوّة العيون بتـِتـمـَرجـَـح
وفى الإدين واقفين بـَنــادِق
يـِتـرِسـِم وشـِّـك
على كفوف الصبايا
تـَمــر حـِنـَّــة
يـِتـرسـِم وشـِّك
على وشوش الشوارع
نار ...وجـَنــّــــة
تـِتـِّـفـِق كـُلّ الخـَطـــاوى
تـِبـقى ...خـَــطـــــوة
والسـِّـكـَك شرايين
تـصـُبّ ف قلب واحد يا بـَلـَد
قـَـلب المـيـــدان
والحـُبّ دايمـاً فى المواويل القديمــة
ألــف سـَطـــوة
وانتِ غير كل الصبايا
يا حـَبـيــبــــة
إنتِ ...طيبة
إنتِ ..مـَنـف ..ملاية لـَفّ
وطرحة سودا وجلابيـّة
إنتِ أكتـر من حبيبة
إنتِ ..طعم وصـــوت آدان
إنتِ ..مـَســرى ونيل
ومـِعــراج للحــيـــــاة
إنتِ مـَجـــرى لكـُل دمّ
يـِحـلـَم بـِريـحـِة مـُبـتـَـداه
إنتِ ..بـِنــت قـلــــو ب كتير
إنـتِ ..أم قــلــــوب كتير
قـــلــــــب راكـــِع
قـــلــــب ســـاجـــِد
قـــلــــــــب
بـِيــقـــيـــــم الــصـَّــــلاة
........................
بـــقـــلـــــــــم ا لــــشــــــــــا عــــــــر
أ بـــو عـــمــــــــا ر ا لـــمــــصــــــــــر ى
السبت مارس 26, 2016 1:34 am من طرف حسين محمد
