عقل شرقي (عاميه)..................... منهل حسن

Admin المساهمات : 3357 تاريخ التسجيل : 28/06/2015

عقل شرقي (عاميه)
بدي قلك شو محلك من الأعراب
بنص عقل االله خلقك الله جاب
أنتي مني ضلع قاصر أوعى تظني
الرب القادر هيك قايل بالكتاب
ديري بالك إلا الكفر
لو ماكنتْ أحسن منك قيمه وقدر
لو ماكنتِ بنص عقل
ومنصابه بداء النسيان
كان الرب نزل نبي من النسوان
كانت الشهاده والميراث
نص بنص بالميزان
عمري بحيطان السبعين
أنحنى ضهري شعري شاب
لو كنتِ بنت العشرين
أنا رجال وما بنعاب
من حقي أتجوز أربعه
وانكح مالز وماطاب
تهدي تهدي لاتحتدي
هيك منزل بالكتاب
لو صرتي دكتورة ذره
مهما عليتي مهما وطيتي
بجبلك ضره
بذكرك لو كنتي نسيانه
مخلوقه أنتي من شاني
ما خلقتي إلا لشهواتي
العصمه بإيدي أطلبي الستره
ودعي تضلي من جيجاتي
طاعتي من طاعة الله
لاتنادي بحقوق المرآه
وتعلمي تعدي للعشره
بدي كمل نص الدين
هيك الشرع والقوانيين
بكره بتروحي عا لجنه
وبتصيري من حور العين
ياحوا شونيالك بتصيري
من حور العين
تهدي تهدي لا تحتدي
هي شريعة الأعراب
تهدي تهدي لا تحتدي
هيك منزل بالكتاب
منهل

» بشراك يا أيها المولود.......................منهل حسن
» نَسغُ الربيع ..........بقلمي منهل حسن
» (ليلى والذئب) بأرض الياسمين.................... منهل حسن
» نجوى أم................منهل حسن
» ---قصيدتي بعنوان ساعه رمليه---بقلمي منهل حسن