بعنوان ( علمونى ازاى اعيش ) (عامية) بقلمى شاعر السلام/*محمد عادل سالم (مصر)
<<<<<<<<<<<<<<<<<<<<<<<<<<<<<<<<<<<<<<
علمونى ازاى اعيش
وانسى الهم وانسى الطيش
اعلمونى معنى كلمة ادب
احترم قوم قيام بلاش قله ادب
كنت ساعتها صغير
وحيطان البيت بتتغير
والواد اللى كان جارنا
كان صغير وكان متغير
وكنت باتعلم كل شئ
لا اعرف الطيش ومحبش اكون طماع
كنت واد فاهم
مش واد واهم
يحكى فى ظلام الليل حواديت
ويصحى على صوت ديك
كان ساعتها بيحلم بكوابيس
يقوم خايف مفزوع
يقفل الباب بالمتاريس
مش عايز معنى كلمة رجوع
علمونى وفهمونى وكبرونى
وعلى ورقة القسوة مضونى
كانت الشقاوة فى لونى
وكان ساعتها بيضايقونى
وفى حبال الذل بيربطونى
وعلقونى وسحرونى وهزقونى
كنت ساعتها قلبى رهيف
وذللونى وفى العذاب طرحونى
علمونى ازاى اعيش بقلب قاسى
بقلب حجر قابل كل المأسى
كنت ساعتها ناسى
رغم انى مش ناسى اهلى وناسى
وبشاركهم فى كاسى
علمونى ازاى اعيش
اسرق حياتهم واكون جاويش
طلقوا حياتى من حياتهم
وكسرت من عيونهم الشيش
باضحك فى كلامهم
رغم انى باكتب بقلمهم
كنت فاكر معناهم
فاكر سحرهم وبانتظر لقاهم
كانوا قاسسين على
كنت بافتش على الحنية
برفع ايدى
وبيغمزولى بعينهم
وكانت ايدهم سايقة كل شئ من حواليهم
ازاى اعيش معاهم
والقسوة مزروعة جواهم
بيمشوا على هواهم
وكانوا بيجبرونى استناهم
ابو العيشة اللى عايشنها
انا عايز اعيش فى حياه
رغم ان هما كرهنها
ازاى اعيش وانتم مضيقنى
وتعبنى ومطلعين عينى
ارحمونى بكلامكم
انتم طلعتم عينى
انا عايز اعيش ستران
لا اعيش فى خوف
ولا اكون سكران
ولا اكون جاهد ولا طماع
ولا مشحون ولا بردان
حياتى تبقى تمام
سيبونى اعيش حياتى
اعيش فيها انسان
..................بقلمى الشاعر المصرى/محمد سالم
السبت مارس 26, 2016 1:34 am من طرف حسين محمد
