( جرح الحبيب )
سامح ايليا
جرى لك ايه يا عين هو انت هتبكى بجد ؟
يعنى عمرك يا عين ما بكيت ف يوم على حد ؟
( يا حنينه يا عين ابكى عليا
يا خوفى يانا م الجرح اللى فيا
دا ياما الأحزان لعبت بيا
ولا لاقيه دوا ولا حنيه )
ايام بتجرى وبتعدى
وزمان دوار ولا بيهدى
وحبيبى فايتنى هنا لوحدى
ولا عارف ان انا عاشقاه
( يا حنينه يا عين ابكى عليا
يا خوفى يانا م الجرح اللى فيا
دا ياما الأحزان لعبت بيا
ولا لاقيه دوا ولا حنيه )
يا روحى روحى لغرامى
قوليله فين هو هيامى
عيشنى حياتى ف اوهامى
خلانى بأمل انى القاه
( يا حنينه يا عين ابكى عليا
يا خوفى يانا م الجرح اللى فيا
دا ياما الاحزان لعبت بيا
ولا لاقيه دوا ولا حنيه )
فايتنى عايشه بأحزانى
ولا ليه حبيب غيرك تانى
ياللى انت جارحنى بحرمانى
يا قلبى طب ليه تهواه ؟
( يا حنينه يا عين ابكى عليا
يا خوفى يانا م الجرح اللى فيا
دا ياما الاحزان لعبت بيا
ولا لاقيه دوا ولا حنيه )
الحزن ده بقى موالى
انام واقوم كده على حالى
جراح وآلام وفرهالى
حتى العمر بقيت كارهاه
( يا حنينه يا عين ابكى عليا
يا خوفى يانا م الجرح اللى فيا
دا ياما الاحزان لعبت بيا
ولا لاقيه دوا ولا حنيه )
روح يا شيخ منك لله
حبيتك وهواك كان أملى
ادعى عليك بعذاب الآه
وتجرب زيى مرار عمرى
( يا حنينه يا عين ابكى عليا
يا خوفى يا نا م الجرح اللى فيا
دا ياما الأحزان لعبت بيا
ولا لاقيه دوا ولا حنيه )
سامح ايليا
السبت مارس 26, 2016 1:34 am من طرف حسين محمد
