القرب أجمل \\\\ شيماء يوسف
ياما بزعل منك ساعات
واندم على العمر اللى فات
ويفضل ما بنا كام يوم السكات
واقول خلاص مستحيل أكلمك
واقول خلاص فينا الحب مات
و اللى جرا خلى قلبى يقسى
والقانى بسرعه أسامح وانسى
والاقى قلبك لقلبى مرسى
و مشاعرى لسه حاسه بيك
ومشاعرك لسه بيا حاسه
************
وارجع من تانى اشتاق إليك
والقانى تانى بحن ليك
أشتاق تانى لضحكة عنيك
أحن لكلامك واشتاق لصوتك
وفى كل حته ألاقى فيها طيفك
والقاك انت كمان ملهوف عليا
وتسامحنى وتنسى لى الأسيه
وفى نفس اللحظه ألقاك تجيلى
يا كل عمرى وأيامى وسنينى
و بأيدك تمسح دموع عينى
والقاك تحن ليا زى ما بحنلك
واكون لك ملاك وانت ليا ملك
تمد ليا ايديك وإيدى تتمدلك
*************
تقولى ياريت تسامحينى
وفى حضن قلبك تضمينى
ياحبى طبعاً انا مسامحه
وان كنت قلت كلمه جارحه
ماانت ليا دايماً كل فرحه
وفى قربك زهورى طارحه
وفى بعدك اشواكها جارحه
************
على عينى تاخد على خاطرك
دا انا زى اليتيمه فى بعدك
وورده مفتحه فى قربك
وبالاقى سعادتى وانا جنبك
ويوم ما ألقاك على بابى
تقولى هعوضك أنا غيابى
بشربات الهنا هاسقى أحبابى
واتزين بأحسن ما عندى
والبس احسن ما فى ثيابى
ملامحى من الفرحه تنور
وخدودى تبقى عنابى
ماانت يا عمرى اللى ليا
وانت ناسى وانت كل أحبابى
قلم \\\\ شيماء يوسف
أعجبني
السبت مارس 26, 2016 1:34 am من طرف حسين محمد
