........لسة بيننا ألف سد........
ف حبك دمعة وجرح وجزر ومد
وغنوة ف سؤال مستني منك رد
....
وحكاية لسة نهايتها ف سرداب
عليه الف باب وكام ألف سد
....
وضحكة تايهة بين ألف دمعة
وكل دمعة عاشقة سنين العند
......
وجواب بيشتكي طول الفراق
طالت الأشواق وطال زمن البعد
....
ف حبك كتبوا غناوي الآه والدمع
وسواد ليله زمن بيمشي ويمتد
......
حكايتك ف القلب ليل توبه جرح
من كتر ما شاف وقع عوده وانهد
.....
حتي أحلامي فيكي أصحي تتنسي
وأسأل كان ايه حلمك ما ألقي رد
......
ماتت حكايتي زي أي عاشق حبك
زي ما يكون حبك كل شئ فيه ضد
.....
لسة ف هواكي غنوتي بتطرح أمل
رغم ان الأمل بيني وبينه كام سد
.....
ساعات أتوه ويسكرني كاس هواكي
وأشوف ف عينيكي شوق وحب بجد
....
وف عز توهة هواكي القي صرخة
تطل عيني القي بينك وبيني لسة سد
......
ويرجع في حبك الف سؤال وسؤال
وتكتر الأسئلة ولا يوم القي منك رد
.....................................................أيمن بلال
السبت مارس 26, 2016 1:34 am من طرف حسين محمد
