عصفورة القلب--شروقيه من ديواني الثاني حفنة غزل
-------------------------------------------------------
فالبحر كل ما الشمس بتصير مستوره
ببعث عيوني لصوب الدار كسدوره
بلكي ان شفوكِ بصدري يهتدي الخفاق
ويعطوا شعوري امل تا كمْل الصوره
قديش ناطر الو قوس القزح مشتاق
يرمي خيوطو على زنار تنوره
تا بكل بصه عليكِ يسبح الخلاق
وتغار منه النجوم تقل مقهوره
والقلب متل الوتر فيه نغم حراق
من لحن حُبك عزفلي اليوم مازوره
وقلي اندهلا تجي تاشوف جويي راق
غيرا ما برضا ع غصن العمر عصفوره
وصرخت متل الطفل مشتاق مش سراق
طلي بيكفي بسجن العاج مأسوره
ويما لعندي بتجي تقولي ما ظل فراق
يما عيوني اقبلي بهالسجن ناطوره
-------------------------------------
راضي مشيلح
السبت مارس 26, 2016 1:34 am من طرف حسين محمد
