...................................غنوه بالعامية............................
روحوا اسألوا القمر .....
عن قصة حب لينا
عشنا أحلى ليالى ....
بكاس الهوى ارتوينا
من شهد حبايبنا دوبنا..
ومن الغرام انكوينا
روحوا اسألوا النجوم...
والطير يشهد علينا
كلام الحب قلنا .............
وللعيون السود غنينا
عشنا بالحب دنيا .......
والحزن مايلاقينا
وقلوبنا دوبها الهوى......
والفرح كان مالينا
زرعنا من الحب نسمة..
وحنانه بين ايدينا
وفى لحظة ياحبيبى .....
الهجر نده علينا
والسهد ملى بيتنا ........
والآه مايتداوينا
العشق كسر ضلوعنا ...
والبحر دموع عينينا
هى الليالى كده .......
ولا الغدر ده طبع فينا
وحياة حبك ياعمرى.......
والعهد اللى يراعينا
أبدا ولا حتى لحظة....
ما تهون فى يوم علينا
ان كان يرضيك عذابى ........
والسهد اللى ساقينا
أنا شفت كاساته وردى ....
وهواك فى قلبى دينا...
وطاب الود بينا .......
ودلقوتى بيبكينا.....
آه ياهوى تعالى ...
هنينا أو عزينا...
وحياة اللى كان ياقمرى...
حبك مكتوب علينا...
بقلمى | محمود عبد الخالق عطيه المحامى
السبت مارس 26, 2016 1:34 am من طرف حسين محمد
