علشان عيد الحب
بقلمي عادل محمد عوف
إنت ازاي بقيت كده
،،،،،،،،،،،،،،،،،،،،،،،،،،،،ع
إنت ازي بقيت كده
بقيت جميل بالشكل ده
واللي بتخبيه عنيك
اهو بان عليك
غير ابتسامتك والرضا
ياحضن غاوي الفضفضه
ياورده بيبوسها الندى
فتنام ريموشها وتنكسف
يا موج في حضني بيتحدف
يحضن مشاعري بمقدره
ازاي بقيت جميل كده
يا أول حد حسيته
وخليته قريب مني
تملى عينيك تطمني
على قلبي وعلى بكره
دخلت حياتي بالصدفه في لحظه ضيق
عرفت معاك اشق طريق
عرفت للحياة معنى
ولما الدنيا تجمعنا
ما فيش غيرك يساوي شئ
يا اول حد يتسند عليه حلمى
يا طاقة نور
بتتجدد حسب علمي
بشكل بريء
يا راقى في الجمال والحس
مانيش عارف اقولك بس
بيعجبني طوفان الرقة والروقان
بيعجبني أتوه في الحسن والتوهان
يرجعني
كل مره بدرس
#عادل_عوف
السبت مارس 26, 2016 1:34 am من طرف حسين محمد
