اية نور ---شروقيه--
-----------------------------------
من رحم روحي حروفي بيخلقوا ابيات
وبنْكر حروفي ان ما كنتي بتضهري فيها
وما نلت منك سِوا الاهات والنهدات
وحسره بقلبي ال عجز عالناس يخفيها
شو السر فيكي انطقي لا تزودي الخفقات
بلكي عيوني قْدرت شي يوم غفْيها
قديش وجه السما متْطرز بنجمات
انتي الوحيده ال بسهر دوم ناجيها
بْودي حنيني لكي ع جوانح النسمات
وبضل ناطر تا ارجع يوم لاقيها
وتا شم عطرك معاها بضمها بالذات
بلكي وعسالله قدرت هالروح داويها
عرفتك لعيري لكني بعشاق الوردات
وعودت قلبي بقلبو تا يخبيها
وكيف اللي مثلك خلق ايه من الايات
لو عشت مهما عشت رح ظل صليها
------------------------------------
بقلمي راضي مشيلح
السبت مارس 26, 2016 1:34 am من طرف حسين محمد
