مصــــــــــــــــــــــــــــــر (شعر عامية)
رَقِيتِك يا حَبيبتي ياغــالية من عيون الحاسدين
رَقيتِك يا حبيبتي ياغالـية من حكاوي الحاقدين
رقيتِك ياحبيبتي ياغـالية من كل مَكَايِد الأعداء
ومن شــر بعض ولادِك اللى لِنَجَاحِك كارِهين
*********
ما انتى يا حلـــوة ياغالية أُمِّي وكل شئ لِيَّــا
جُــوَّاكِ حَمَلتيني وِوَلدتيني والطَلــق كان غِيَّـة
صَبـَــرتي على الحَمــل وِ متاعِب وآلام الولادة
وصبرِك ده يا غالية كان خير وسَعد ليكى وِلِيَّا
*********
في حُضنِك عِشت وإترَعرَعت وإنصَلب عُودِي
ومدين أنــا ليكي يا حلــــوة بعُمري وبوجودي
بايديكي الحلــوة سَقِيتيني الشـــــهد من نيلِك
ومن خيــرأرضِك البكر على ولادك بِتجـُـودِي
**********
حلفتك يا غالية ما تخــافي من دعــاوي الشَـر
جِيشِــك يا غاليــة واقف في إنتظــــار الأمــــر
حياكُلهُم ويقَـرقَش عِظَامهُم...عـــــــارفة ليه؟
لأن أغلى ما عنده ببسـاطة كدة هو أُمُّه مَصر
**********
بس شوية شِدَّة يا ريِّس والعجـــلة قايمة تدور
اللين مش نافع مع اللى بخرابها سعيد مسرور
وراك شعـب كبير ييجى تسـعين مليون وزيادة
بمســاندته وبأمر الله ...انت أكيـــد منصــــور
==========================
بقلم / محمد عبد القادر
/12/201622
السبت مارس 26, 2016 1:34 am من طرف حسين محمد
