الدنيا فى كتاب العلوم ياسر شرف-

الدنيا فى كتاب العلوم
============
الناس معادن وفلزات وغازات بتطلع فى معادلات
ده نيتروجين وده هيدروجين وساعات تلاقى أكسجين
وتشوط بشدة كده فى الجون يطلع فى عادم الكربون
وبالونات كده فى اختبار وفول بزبدة او زيت حار
وانابيب لمحاليل فى مختبارات كلوريد وصوديوم او نترات
تصرفات كده فى معادلات بنتيجة سالبة وايجابيات
حتى السياسة بتبقى ساعات نفس النتيجة لمعادلات
تشمها تطلع فى غازات ومنها سامة بالحوارات
تقاوى فاسدة او مبيدات تفسد فى أجهزة كده بالذات
فى اكلى يعنى او عظمى تضر بجهازى الهضمى
وفى الهوا ونفسى وتنفسى تضر بجهازى التنفسى
وفراخ بتاكل هرمونات تضر باجهزة حساسة بالذات
والرش برضه فى النباتات نتيجته أمراض وفيروسات
وحروب شديدة كيميائية تصيب بلعنة جرثومية
وقنابل شديدة عنقودية ذرية وبرضه نووية
ويقولوا أبحاث علمية وهى ضد البشرية
لو وجوهوها سلمية لخير حضارة إنسانية
حنعيش فى حالة سلمية وبدون مشاكل إجتماعية
ذرات بتطلع مع نترات بتبنى وتهد فى حضارات
وسببوا ده فى خرم اوزوزن وغيروا فى طبيعة الكون
ويقولوا أبحاث كده فى علوم تضر كلية مع قولون.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون