♡♡اوانى مرساكى♡♡
يا حبيبتى كنت طير
تايه مالاقى امان
لما خدتنى سماكى
نسيت انا الاحزان
وبقيت اغنى وأرفرف
طاير انا وفرحان
وكنت ديمأ اغرد
وكأنى انا كروان
ياحبيبتى الدنيا بحر
كان موجو عليا قاسى
والقسوة كان اصلها
أقرب حبايبى وناسى
وموجه تجرح فيا
وموجه تأذى كيانى
وفجأه ريحه هدى
لما اوانى مرساكى
الدنيا كانت صحرا
مليانه قبلك شوب
لمستى رملها
بقت جنة ورود
وفلحظه اتزينت
لبست احلى ثوب
وجفافها كله اتحول
بلمسة المحبوب
انا كنت قبلك عايش
جسد جريح بيدوب
وكل لحظه كانت
تعدى كنت بموت
جبتى معاكى الدوا
ومكنش شئ مقصود
لكن نظرت عيونك
تشفى كل القلوب
ياقلب زى الدهب
عمره ما كان رخيص
حتى الجمال نفسه
فى وجودك ما يساويش
دنا شايفك زى حور
نازله من الجنه
عشت عمرى كله
صابر انا وبستنى
لنظره من عيونك
ياما قلبى اتمنى
فى حضنك انتى يعيش
ويشم ريح الجنه
مانا كنت قبلك تايه
جيتى ملانى هواكى
وبعد سنين عذابى
ارتحت انا بمرساكى
♡♡♡♡♡♡
احمد عيد #شاعرالجيل
السبت مارس 26, 2016 1:34 am من طرف حسين محمد
