مـُـــهـــــــــــرَ ة
()()()()()()()
أدان الفجر
بتِـصهَـل مُهرة
تحت وسادة الأحلام
تصحـّينى
وجفنى تقيل
مابين السَكرة والفِـكرة
واحاول أكد الحالة اللى انا فيها
ما نيش عارف
فَـرَكت عيونى بكفوفى
وجانى الصوت من الشباك
فمديت البصر لهناك
ولسّـة غـَـبـشـِـة الفجرية
بتعاند خيوط شوفى
لقيتها خيال ...لكن شامخ
وقيدها ف جيدها طوق راسخ
لبست هدومى
وهمومى خيوط فيها
واقرب منها
نظرتها
تموتنى وتحيينى
بدون ما ادرى
مسكت القيد وحليته
فضِحكِـت ملو قلب
خَـضــار
وحطت إيدها على إيدى
وباسِـت كل أوجاعى
وقلبى يطـُـب على إيدها
تحس برعشة الأشواق
فتدينى الأمل ترياق
وداب قيدى فى قيد إيدها
جرينا وخطوة الأحلام
بتِـسبـَقنا
وأرض براح وألف نهار
يشوّقـنا
نسيت الدنيا وهمومى
ودُبت معاها
دوبنى حنين شوقها
فبـُست عنيها ..
حَـضَنتـنـــى
بقلب حنان ولفـَّـتنى
تبعتر كل أحزانى
على السكة
تلملمنى
وتحلف قلبك المجنون
يطهـَّـرنى
وانا اللى لقيتنى فى عنيها
ومسك النظرة .عطرنى
رجعت معاكى للدنيا
فخـلـّـيـنـــى
فى ضىّ الشوق
ولفينى بسموّ العشق
للمعشوق
وهاتى قلبك اتغطـَّـى
ورمش العين
حرس ليكى
يا جنة و أرضها
حنة
خلاص مش قادر استنى
ولا اتأنى
شفايفها ..تقرب لى
واقرب منها لاجل
ما ادوق عسل صافى
وأتهنى
تلاشت كل أحاسيسى
وأوجاعى
فى طعم التوت
وفجأة ينادى تانى الصوت
فأـقـُـمــت نـَفـَضــت تـُقــل النوم
وجبت المية واتوضّيت
.................
بـــقـــلــــــم ا لــــشــــــــا عـــــر
أ بــــو عـــمــــــــا ر ا لـــمـــصــــــــر ى
السبت مارس 26, 2016 1:34 am من طرف حسين محمد
