ياسيد الناس ...بقلم نجاة قطب

صورة ‏‎Nagat Kotb‎‏.
Nagat Kotb
ياسيد الناس
،،،،،،،
حكمه وقالوها وفعلا صادقه
حب الناس اعظم رأسمال
والإنسان العاقل يعرف
عز الدنيا فى راحة البال
عاوز تعيش فى نن عنيه
وتكون حياتك حياه حلوة هنيه
عاملنى بكل حب وحنيه
هاتكون جوه الننى وفى عنيه
صون العشره ونور بيتك
خليى طبعك فى الحياه لماح
كون همس الحب لولادك
وورد عبيره فواح
حب الأهل ودايما سامح
وع الدفه خليك ملاح
وفى الشده شهم بعزم وفلاح
املا عنيك ابتسامة السعد والأفراح
وتكون ليه الصدر انام وارتاح
وأشوف الحظ متسطر
على جبينك كل صباح
هاعيش العمر اكتبلك
ولو باقى فى عمرى براح
ياسيد الناس انت ياحياتى
يالى واخدنى لكل نجاح