حُب البلد---من ديواني الاول نيسان--
---------------------------------------
إشمخي ع إلكون يا داليه وعلْي
غصونك ع المجره وصليها
عن ضلالك ما النا يوم فَلْهِ
واذا غبنا لبد نعود ليها
خلقت فيكي وعليكي شفت هلي
ابد بالعمر ما ضني وفيها
ومثلا بالقلب عشتِ سويه
ورعاك الرب هالنفسه رعيها
وعلى ترابك انا طبوق فلي
شقشق جفن عينه إلشاف فيها
وبصوته المخملي ع طول قلي
هون ديارنا بروحك داريها
ومهما غبت عنها لا تملِ
مصيرك يوم هالقريه تجيها
عليها أسجد وإركع وصلي
تا يبقى الرب هالعالي حاميها
وياداليه اليوم رجعوا الناس يلي
علومُن من الغربه ناهليها
تا فيكي يسكنوا دوم وتملي
يقولوا إمثال عم نحرس عليها
ولاولادُ ن يقولوا هيك بيي
قال امثال عم نعتز بيها
ويا ابني هالمثل ع البال خلي
عين المي يلي شربت منها
إصحك حجر يوم تْزت فيها
==================
بقلمي راضي مشيلح
السبت مارس 26, 2016 1:34 am من طرف حسين محمد
