انذار اخير
******
يعنى اية انذار اخير يعنى اية
كلام مش قادر اصدق معانية
انتى واعية لكلامك
فعلا يعنى تقصدية
واخدك اوهام يرعاها جموحك
لا اى صدام ينهى طموحك
طول الوقت شاغلك روحك
دلوقت حبى تبيعية
كنت مشغول ازاى ارعاك
اصد حتى نبض صداك
تروح كنت استناك
وانادى عليك يا ملاك
ولا مرة انتى شغلك حالى
مفرقش وجودى وترحالى
او يجرى لى ما يجرالى
كنت لوحدى بقاسى لظاك
عايزة تمشى لوحدك روحى
صحيح يمكن لمستى جروحى
لكنى لو هخسر روحى
بكلمة عطف ما هترجاك
بس اسمعى انا مش اسف
اتوقعت اليوم دة عارف
يمكن كانت فعلا مرة
لكنى من البعد مش خايف
جرح دامى شوية يطيب
وهلاقى من تانى حبيب
راح يتبسم لى نصيب
وتمر ذكراكى عابرة
بفلم / حاتم صلاح
السبت مارس 26, 2016 1:34 am من طرف حسين محمد
