--------------------
من فجر رب السما تمك خلق مشقوق
ومسكوب جوري حما ومطبوع ع ضفافو
ومن حول منو ثلج مدروز بالبرقوق
تخمين حان الوقت نادا ع قطافو
وشلال لون الخمر فوق الثلج مدلوق
بيِغل فيُّو الهوا ويا سعد من شافو
بيطلع بينزل غنج وبرقصتو عيوق
تا بان عنقك طفل ملفوف بلحافو
وغزلان فوق المرج عاشق جنب معشوق
فتحوا بواب الخيام ناطروا تا ينضافوا
ومخلوق تمي طفل بيحب انو يذوق
وشو سِعد لما الشهد نقْط على شفافو
تلاشا بوقتا ووقع ع خصرك الممشوق
مدري كانو قصد تا يزيح شَفّافو
ومحروق نادا تعا يا بو القلب محروق
المثلك وفايا صعب بالشهد يتوافوا
راضي يوسف مشيلح
السبت مارس 26, 2016 1:34 am من طرف حسين محمد
