((( ها ياشعب )))
بصف الاول علمونه الدار والدور
وعلمونة نفدي الوطن لو راد ناطور
وفهمونة المحبة دين والامانة قصور
والزرع ال نحصده طيبته من اصل البذور
أوجرنه الزمان ونكت وتفلش السور
من كل كتر ننذبح والذابحنة هم معذور
ها ياشعب الحضارة باكوك وصرت مثبور
يعوفك توم ويلزم بياختك كركور
وثنينهم بالمثل عصفور كفل زرزور
تنتفض ع الهر يسلمك لابوا الهرور
وتخلص من حكم طاغي ويحكمك طرطور
مسكين ياعصفور ي العايش وسط الصكور
ماتكدر تويص وتناجي لو عضك الزمبور
وماتكد تنكر خبزتك مكتوبلك منكور
ياوطن ناسك غربت وتنخب الناعور
يامجلس عهر يرعاك مايخله من الزور
التموا علينة الهمج و بالدم صفينه بحور
ناظور يحتاج الشعب من وجعة الناسور
سياسيين بلا شرف واحدهم جلب مسعور
ولو تدور ع الاصل دنياك بيك ادور
وتتعجب من البغي والغيرة بيك تثور
وك تصرخ من القهر وصوتك يظل محصور
وبيك النزف يلتهب آه يازمان الجور ........... شعر شعبي بقلمي محمد الاسدي
السبت مارس 26, 2016 1:34 am من طرف حسين محمد
