روحي عزيزه
___________
اشكثر روحي عزيز وما يذلها الـــذل
ولا صارت رخيصه وثوبها
امهلهل
طود من الشموخ وعجز عنه الضيم
ايلاكَي الموت ملكَه وامـــه
لتهلهل
ومن ياخذ شهكته أتأيس الغيمــات
وتظل وشله هــــوى للرايد
أيوشل
ما اريد الرخيص وأشتري الغاليـــن
لأن طبع الرخيص الناس
منه اتمل
دشد احزام عزمك واسبكَـ الزينــات
لأن زينات عمرك ابـــــد
ما تخذل
واخذ مرهم حسرتك لوصحت بالآه
آخات المحنه اسمومهــــا
أتعلعل
اشكد بالعمر مرمرنه قدر محتـــوم
ولبسناله الصبر ولما حمل
يحمل
وغنينه ألألمنه ابيــوت ابو ذيــــــات
ومن اخ العمر كام العشكَـ
يغزل
وعبََرنه الزمن باعاته بيــــن أظـنون
صوب اغروب دنيه البيها
متمشكل
___________________________________________________
الشاعر / فالح حسن الجابري ( ابو محمد الجابري )
______________________________
21/11/2015م
___________
السبت مارس 26, 2016 1:34 am من طرف حسين محمد
