.....ولا تحلم بيوم..... Ayman Belal

Admin المساهمات : 3357 تاريخ التسجيل : 28/06/2015

.....ولا تحلم بيوم.....
ولا تحلم بيوم تعيشه طير حر
ولا تحلم بيوم يتغير كاسك المر
هو ده طبعها أيامنا طول عمرها
تروح لها تديك ضهرها وتمر
......
يطول الليل وآه ياغنوة العاشقين
حزينة ليه وواخدة قلوبنا لفين
تسهري ودمعك ندي فجر حزين
يطلع صبحك ينادي ايه السر
......
ياعتمة طالت وغربتك سكة
حبة مطر في الأصل دمعة
وفرحة وبقت خلاص ذكري
والنهاردة حليت يازمان المر
.......
من خوفي جواكي بأهرب لقلبك
أحس بألم بأسمعه آه في نبضك
يحتار عقلي بين اسمك وطبعك
لغز حبك جواه ألف متاهة وسر
......
يادايرة بينا والحياه بينا دوارة
نكسب أمل نلقي الأمل خسارة
ومن وهم لوهم سكتنا محتارة
من أي عذاب ف دروبك نمر
.......
عود كان طالع من أرض حبك
نواره كان أمل فتح علي عشقك
ولما طرحه طلع مات هنا عندك
وف حياته وف مماته ما كان حر

» .....عشق الفقراء......Ayman Belal
» " تحلم اني مهاجر "زاهر التميمي