الدرس الأخير
عِيش على أدك............ كلمة حد قالها لي
كان أولها وجع.................. سألت أنا مالي
لا طمعت في حق................... مش حقي
والعمر عايشة تملي............. أنا في حالي
راضي بحكم ربنا .........واللي يجرى لي
صابر على العذاب................. أيام وليالي
أحلامي تموت.................... وأقول قدري
وفي ناس حالها .........أصعب من حالي
العمر غدر وخيانة.............. وأقول عادي
بسامح كل الناس .....وبالصُلح أنا البادي
عشان في رب كريم.........قالها في كتابه
اصفحوا......سامحوا.....تحابوا يا عبادي
طول الوقت أنا الظالم وبالحق أنا مظلوم
إزاي أكون جاني وأعيش العمر كله هموم
ياخسارة ع القلوب اللي بغدر الزمن ماتت
وبتظلم الطيبين............. وتقتلهم كل يوم
يا علام الغيوب...... تعبت من كتر أحمالي
إن كان عذابي يرضيك...... يارب زيدهالي
الشكوى لغيرك مذلة...بأفعالهم أكدواها لي
قلوبهم أشد م الحجر.... عذبوا قلبي ليالي
هعيش أكتر على أدي ولازم يكون حالي
غريب في الدنيا.. عايش في كون خالي
من كتر الألم أنا إتعلمت الدرس الأخير
الطيب في الزمان ده..محال يكون غالي
بقلم / محمد وجيه
السبت مارس 26, 2016 1:34 am من طرف حسين محمد
