أخرك هنا
دوس لايك الله يخليك
ياعم عبرنا الله يهديك
بتشارك بمنشور ماشي
بس شجع القبليك
وقوال تعليق يفرح البعدك
ولا أقفلها ونستريح منك
طب أيه مزعل حضرتك اومعاليك
مش عارف أجامل
لمجرد أنى أظهر فى الصوره متكامل
شايف ناس محشوره حشر
متشوقه وخلاص للنشر
بتقوال كلام ذي الفشر
عجن ولخبطه مش مظبوطه
لابس طرطور فطوطه
وكل على قد النشر
وفى ناس بتشابه النص
الكلام زي بعضه
طواله زي عرضه
يشبه الكتبه وفرضه
ولا أكتب كلمتين
واحط صوره ملونه عرض عرضين
أكيد يمكن الصوره بتجمل
لكن لو الكلام وافي ومحمل
لاداعى لصوره نتأمل
دا رأي وناس كثيره هتكمل
يبقى التفاعل يامعلم
ممكن يكون بكتابة منشور متهندم
نستفيد ونتعلم
وبلاش يابيه وياباشا ومجمله زياده يافندم
والتجواد به حضرتك احنا راضين به
وذي بعضه نسلي ونفيد بعضنا
يعنى أنتي هتروح فين هتطلع فى التليفزيون
ولاهتعمل برنامج وتصبح مشهور ولايمكن تكتب
أغانى وتصبح شاعر المليون
أخرك هنا عندنا على قدك وقدنا
وماتنسي تصبح وتمسي علينا كلنا
بقلم /محمودصلاح السيد
السبت مارس 26, 2016 1:34 am من طرف حسين محمد
