.. إسمعــــيني ..إحساس/ حســن الشـــوان ..

.................................. إسمعــــيني ..........
..................................................................
إسمعيني من فضلك
إسمعيني عايز أقولك
ليه مش سأله عني
ليه حرماني من ضلك
إسمعيني أديني وشك
نفسي أسمع حسك
إسمعيني كفاية بقي
سبيني أبوح وأقول غلك
متخافيش لو حدأشتكي
أو في يوم فكــــــر يذلك
ولا تفكري في البكـــــا
و الصبرلونه في شكلك
وعمر الألم ما يدوم لك
إسمعيني وبيا حسي
إسمعيني وفيا خشي
ح تلقي جوايا زعابيب
صراع بين أرنب وديب
وبراكين بتشـــع أنين
وفيضان بيرش حنـين
إسمعيني عشان ارتاح
وفدادين مزروعه أملاح
وطين سال ندي ودموع
وصوت بيئن ألم و جراح
في ركن الكيان موجوع
إسمعيني وفيا السكات
ح يموت من كتر الجوع
خليني أفضفض موال
يقول أشعار وأزجـــال
وأغاني من كل نــوع
إسمعيني بكل اللغات
إسمعيني بكل الأهات
إسمعيني وكلامي
مش ح يموت ولا يخلص
إسمعيني والحروف
مش ح تقدر تفلفص
إسمعيني قبل الألم
ما يرتاح منا ويرخص
وطين الفكر سواح
في ترعة ميتها بتقرص
إسمعيني بقي !!!!!!!
أقول اللي جوايا وأخلص
....................................................................
...................إحساس/ حســن الشـــوان ..