(المجامله)
بروز نصواصك برواز
يبان عليها الإعجاز
والصوره تضيف للمعنى
متقولش فلان اشمعنى
ناس بترد جمايل
وبتعمل شغل هايل
لو حتى جدل ضفاير
واحد بشغله طاير
وتاني مركون وحاير
معامله فوق الوصف
معلوم وغنى عن الوصف
والمجهول يتعصر عصر
الإسم معموله حساب
طيب واحنا نقف على الباب
وكلامنا ملوش تقدير
ولاشغل جميل وعظيم
المعني اى كلام
على رف قديم يتشال
هنوافق يدوب على النشر
ونقول رائع وجميل عشت
كلام كل حشو
شوية خيش وقش
تمثال للشاعر وبطل هرش
منكلش ياناس القشر
اكيد كلامنا فيه مضمون
ومعنى وكلام معسول
نظره ياولاد الاصوال
لكل كاتب مغمور
ولا عشان يعجب
لازم يكون مشهور
مع ان بعض كلامهم طلاسم
محتاج معجم ياوصل
تقرء شويه وتقوم فاصل
كلام مكلكع ياعم
بصعوبه المعنى واصل
ويجيد المشي على الحبل
ويتقن الشقلبه والعد
عجبي على ناس تطبل
وتسقف وتعيش فى الدوار
بقلمي/محمودصلاح السيد
السبت مارس 26, 2016 1:34 am من طرف حسين محمد
