لاءة مش طبعك
ــــــــــــــــــــــــــــ
كل مرة ترمي نظرة
وتقوليلي إنك ماشية
لما بس نختلف !!
وما يكون القلب صافي
علي وشك ألف بسمة
تجري تجري
جوه حضني تتحدف
أنا بحبك أنت بس
حتي تعالي لقلبي بص
كل نبضة يقول بحبك
كل نظرة يشتاق لقلبك
وانتي من كلمة تزعلي
تاخدي في وشك تهربي
هو عشان قلبي صبي
مرة سمعتي كلمة عتاب
تروحي جاريه تغضبي
قوليلي بس أعملك ايه ؟؟
كتر الدلال اللي انت فيه
ياحبيبتي أنا مقدرش عليه
لازم يكون بالك طويل
أرحمي قلبي العليل
اللي حبك من غير تفكير
وانتي عليه تتدلعي
ايه المطلوب مني اسمعي
مش كل حاجة تخضعي
قلت بحبك وارجعي
عن أوهام ماليه قلبك
وده أكيد لاءه مش طبعك
ــــــــــــــــــــــــــــــــــــــــــــــــــــــــــــــــــــــــــــــ
بقلمي /محمود مسعود (( شعر عامي )) 5/2/2016م
السبت مارس 26, 2016 1:34 am من طرف حسين محمد
