خيوط الصمت شروقيه من ديواني حفنة غزل
------------------------------------------
قطَّبتْ تمي بخيوط الصمت والاحزان
وحلفْت طول العمر ما عود حاكيكي
وقْعَدْت فتّش لحتى اشتري النسيان
بلكي ان لقيته القلب يقدر يجافيكي
نهاري قضيتو ركض وبليلتي سهران
وللروح قلت اصبري وخبي بلاويكي
لقيت قلبي قَفَز كنو فرخ شيطان
لما مرقتي بدي بأسمك ينا ديكي
تخمين طيفك لزق ع مراية الوجدان
وصاير ضروري عليكي الك اشكيكي
ضُبي خيالك بيكفي مهزله وبهتان
شمعات عمري انطفوا بعتمة لياليكي
ما عاد فيي زهر يطعم نحل نيسان
ومأكول غير الشهد ما كان يرضيكي
المثلي معثر انا من عيشتو زهقان
انكنك اعطشتي ما فيو مي يسقيكي
وان ما اقتنعتي بكلامي وطالبه برهان
تا تتركيني اطلبي ال بدِّك تا اعطيكي
بس ان لقيتك قصدتي تْرجعي اللي كان
بخلّي دموع الشقا من العين تمحيكي
---------------------------------------
بقلمي راضي مشيلح
السبت مارس 26, 2016 1:34 am من طرف حسين محمد
