((أحلام ورديه))بقلم جيهان الصبان

((أحلام ورديه))
قلت اخد اجازه
من الأهرام والأخبار
والجمهورية
ومش هاشوف النهار
والحياة ولا حتي العربيه
وهاعيش واقع جميل
كله اماني واحلام
وكمان حريه
وأجرب كمان
أعيش
عيشه هنيه
وأبطل اشتري
فول وطعميه
وابعد عن عمي
عتريس البواب
والست سنيه
واعيش في التجمع
او الرحاب
وأكون
ميه ميه
خلاص عندي
الشقه
وكمان العربيه
وأدور ع بنت الحلال
ال ترضي بيا
الحمد لله
خلاص لقيتها
شوفتها وكلمتها
وقوام وافقت عليا
وكأني ملاك نازل
م السما
وقالت فرصه
ذهبية
عملنا الفرح قوام
وقولنا ما احلي
- الحياة
بدون ألام وأحزان
وعيشنا عيشه
هنيه
وجبنا احمد وريتاج
وصفيه
وفجأة رِن المنبه
بدون سابق إنذار
وقال قوم ياواد
اصحي وفوق
وبلاش احلام
ورديه
دا كله كان
ف مناااااااااااام
خليك عايش عيشتك
يابن الفقريه
وبلاش تاني
تحلم
علشان هايجيلك
حاله نفسيه
او ممكن تموت
بسكته قلبيه
!!!!!!!!!!!!!!!
‫#‏عاشقة_الوطن‬
بقلم
جيهان الصبان