$$$ضلمة عمت سماكى$$$
يادنيا ليه الضلمه عمت فى كل سماكى
كل القلوب يا قسوة تملى تهواكى
والظلم ليه يا ارض عشش فى دنياكى
وكأنه سفينه حالفه ما تفارق مرساكى
يادنيا ليه البشر على الظلم بتهل
من غدرهم دبل ورق زهور الفل
ولقمة العيش متغمزه بالذل
والطيب عشان طيب يدوس عليه الكل
هى القلوب مالها ايه بس قساها
قتل فيها الضمير حجرها قواها
تملى تخون تجرح كل اللى يهواها
ولأقرب ناس ليها بقسوة ظلماها
يا خير انا بناديلك ايمتا هتسمعنى
تفرش تانى شعاعك والبسمه ترجعلى
تداوى جرح فى قلبى ألمنى ووجعنى
ياخير انا محتاجك ترجع لدنيايا
ترجع تنور تانى ارضى وسمايا
تسكن مابين البشر ونبتدى حكايه
نكتبها بالطيبه متزينه بضحكايه
ولا يا دنيا خلاص ماشيه بقانون الغابه
وكل يوم للناس تتشكلى وقلابه
واللى يكون ضعيف يصبح فطار لديابه
حتى الديابه تمسى عشا لأسود جعانه
تصدقى تنفعى قصة وحوش سعرانه
يادنيا ده مش اصلك اصلك يادنيا الخير
ليه تمسكى فى الشر والشر بنى أدمين
والشر مهما كان أخره ومكانه الطين
والخير فيكى بذره تتطرح فى عليين
وهناك لا تلاقى شر ولا اى حد حزين
اما انتى فيكى يا دنيا الضلمه بسماكى
معظم قلوب البشر ياقسوة تهواكى
والظلم طير شيطانى عشش فى دنياكى
زى سفينه تاهت وأواها مرساكى
أواها مرساكى
احمد عيد #شاعرللجيل
السبت مارس 26, 2016 1:34 am من طرف حسين محمد
