تمنيتك الي اومحد شريك اوياي
لاام لاابو لاصاحب اولا عم
اوتمنيت العمر يخلص فرح
وياك يرتاح الكلب وانسه
الحزن والهم
ردتك ماردت غيرك اعيش اوياه
ردتك دوم الي ماريد بس احلم
ردت من نور وجهك كون اضوي
الليل وانور بيتي بيك اومايظل
اظلم
بس ياللاسف حبك اذيه اوياي
عليَّ الغربه منك صارو الارحم
اجوني ابعازتي اومدولي ايد
العون.وانت اوللاسف بيدك
تحطلي السم
ليش اشقصرت وياك كلي ابيوم
اشيل اهموم عنك وحدي واتالم
مامليت ابد من عندك اني بيوم
حملت الصار سكته اوماردت تعلم
مثل تلميذ حرف ابحرف اعلم بيك
تعبت اوياك ردتك حرف تتعلم
مافاد الحچي اولافادك التعليم
گلي اشلون بله ياطرق تفهم
شنهو اللي تريده احجيه كلي
اعليه ياحل اليفيد اوياهو
الاسلم
اتريد امشي اروح اوماارد فدنوب
بس صدكني والله اوداعتك تندم
ماتلكه اليحبك واليخاف اعليك
ولاتلكه ابد مثلي اوبيك بس يهتم
راح امشي مثل متريد لاتحتار
اوراح اتظل تعيش الذكرى بس تحلم
اوماردلك ابد لوبست حتى الكاع
لو صبت اعيونك مو دمع من دم
الشاعر صالح الجابري
السبت مارس 26, 2016 1:34 am من طرف حسين محمد
