الشاعر المصري / احمد ابراهيم
***************************
فى قصيدة / يا أمي لا تبكي
**********************
مات الزتون على غصنه يا امي
دبل الشجر واتحرق بالله لا تبكي
الدمعه منك ألم جوايه وبتحكي
قصة جراح لليوم فيها العلم يشكي
اصرخ يا صوت القدس
يمكن فى يوم تتسمع
مع صرخة من أمي
باكي الزمان ومعاه
أمي كمان تبكي
يا ساكن الزيتون الارض عطشانه
والشجرة بردانه
جف الامل والتمن هو الآلم يقتل
يا ساكن الزيتون
لملم بقا توبك وابكى على مالك
ده الضحكه متهانه
ابكي يا أمي اصرخي
بس الصراخ حاله
والحاله مش رايحه والدنيا رحاله
كم من سنين العمر
وانتى هنا باكيه
شاكيه لصمت الليل
والفجر ولا جانا
حتى الربيع ميّت وقضية متخانه
فيتو يا كلمة ظلم سلسلت فى خطانا
يا ساكن الزيتون البرد هيطوّل
لسه السنين هطول
بجرحها الاول
لسه يا ليل الالم لساك هنا معشش
وفجر عمري اندبح كم كلب منهم نبّح
ينهش خيوط الامل
نصرخ يطول الاجل
بس الآجل ميّت
يا ساكن الزيتون طب امتى هتعيّد
والفجر متقيّد
امي بتبكي بحزن وسط الجراح
تبكي كم ديب و متسيّب
امشي يا امي بعيد
وامسحى دمعك لسه الربيع مسجون
والغدر متسيّب
اه يا امي اه دة بكاكي
بيشيّب والله بيشيّب
***************************
الشاعر المصري /احمد ابراهيم
السبت مارس 26, 2016 1:34 am من طرف حسين محمد
