ز فــِّــة شـهـيـــــد
.........
الحوارى لفين هتهرب
م الرصاص ؟
كل الشوارع
متقـفـِّلة بمتاريس
مش زفـّتـِك يا عروسة
ولا اللى متشال ع الكتاف
يبقى العريــس
دة ..شهيد جديد
عريسك راح يجيب الشمس
خـُشـّى افرشى شـَقـّتـِك
وحـُطـّى ع السرير .مفرش
رُصـّى القـُلل على الشبابيك
وعـَطـّرى المطرح بميـّة ورد
عريسك راح يجيب الشمس
لــفـَــحـُــــه الـــبــَــــــــرد
ما رجعشـى
بلاش تـِدَفـّى السرير
والفرشـَة بحنانـِك
خـَلـّى دموع الفـَرَح
للجرح ..قطن وشاش
عريسـِك راح يجيب الشمس
لِـسـّة ما جاش
خـَلّى دموع القـَهر
تـِنزل ..نـَـزّ
أصل السرير اتحـَسـَد
ولا ليلة راح يـِتـهـَزّ
الحارة ضلمة..والبيارق سود
واللى بـِيـِعـزِف ع الوتر والعود
كان فاكـِر ان البارود
له قلب ..فيه رحمـة
كل الرصاص عـَشـِّش
فى قـلــب الحارة واتخبـّى
طرح البطون الطيابة
رقـَصـِت حيطان البلد
واتجـَمـّعوا الصـُحبـة
وبيان على الشـّاشة
قضينا ع الإرهااااب
يا عروسة زِفـّـى الخـَبـَر
عـريـسـِـك المـُنتـَظـَر
كان راح يجيب الشمس
والشمس ..ضلمة ليل
لابسة النشيد والكاب
............
بـــقـــلـــــــــم ا لــــشــــــا عــــــــــر
أ بــــو عـــمـــــــــــا ر ا لـــمـــصــــــــــــر ى
السبت مارس 26, 2016 1:34 am من طرف حسين محمد
