الشاعر احمد ابراهيم
الشاعر المصري/احمد ابراهيم
**********************
في قصيدة /(الحلم) بحب____________________________ك يا مصر
**************
لسه يامصر جواكي رجاله
تقدر تشق الليل
وتجيب شروق شمسك
*********************
لسه الهرم واقف
والنيل على ضفافك
بيجري جرية أمل
راوي حنين شهدك
****************
لسه الاماني ممكنه
لسه الورود
فوق الخدود متلونه
عروسه ف الزفه
ومين بقا ف حسنك
****************
يا بنت يا سمرة
عاشق انا عطرك
اوصف بأيه واقول
اقول انا ف وصفك
******************
انا ابن مصر الطيبه
طيب جميل شعبك
انا جندي واقف في الميدان
مادد انا ايدي عشان انول حضنك
************************
يا سمرة يا طيبه
كل البشر عشقك
لكن بحبك انا ومافيش هوى بوصفك
*****************************
كل الكلام ينكتب بس الكلام ليكي
عاشق انا فرحتك
بس الدموع ف عنيكى
لسه البكى طالع لسه الالم فيكي
لكن فى يوم الامل يرسم خطاويكي
***************************
يا سمرة ليكى سلام مفرود على الضفه
عدينا بعد قتال والنصر كان زفه
محروسه يا طيبه محروسه يا سمرة
***************************
عشقك يا بلدي يامصر
شعبك وقال وفي
لما قال تحرير من سينا للضفه
************************
حقق بنصر عظيم
ارض بخضار فيها 90 من الملايين
منك حنين شربه
عشقك يا ارض الكرم
يا عروسه ف الزفه
*************************
بقلم الشاعر المصري/احمد ابراهيم
السبت مارس 26, 2016 1:34 am من طرف حسين محمد
