الشاعر احمد ابراهيم
الشاعر المصري /احمد ابراهيم
**********************
في قصيدة/(جوة حلمك)
********************
جوة حلمك لسه بحبي
تحت ظلك فوق جبينك
اسمي مصري
فوق غيطانك جوة دارك
لسه فجري
بالامل يا كل عمري
انتى امسي وانتى بكرة
انتى نور الفرح طارح
وانتى بسمه يا مصر انتى
فوق شفايفي
لو يطول الليل
هرّجّع بيكي شمسي
يا اميرة وسط اطلال الزمن
الحضارة فيكي انتى
لو غريب يلمس جبينك
مني يدفع التمن
لو جرئ يقدر يخطي
تنكسر بيه الاماني
منى يشرب كل الوان
العذاب و الالم
مصري مصري
بيكى فجري اللى انكتب
مصري مصري
ليكى عمري اللى اتوهب
مصري مصري
يا حروف اغلى الحروف
مصر ماس مش دهب
مصري مصري
لوني امحي قادر بعدّيّ
ملايين دروب م المحنّ
قادر اكون رغم الاهات مليون اسد
قادر ازيح عنك حبيبتى
الظلام اللى اتكتب
فى عنيكي فجري اللى اتولد
مليون حكاية بتنكتب
رغم الصعاب جوايا عشقك يا وطن
جوايا نبض الحب يحكي بالامل
مصري الهويه مصري الرجوله والكرم
يا شعب صابر والتحدي
هتعيش تخطّيّ
مليون قناة يا شعب غالي
يا جيش بلادي يا بطل
********************
بقلم الشاعر المصري/احمد ابراهيم
السبت مارس 26, 2016 1:34 am من طرف حسين محمد
