أعجبنيا لــحــقــيـــقـــــــــــــــة
*************
يا ست كل الدنيا دى
بتروحى فين ؟
داير بالفلف
فى الحوارى
والمساقى والغيطان
قواديس سواقى
تفتكر منك بواقى
تنوح وتبكى بدمع
ناشف من سنين
وانا اللى مولود مرتين
مفطوم على بزاز المرار
وحلمت ياما ارضع خضار
ونور عنيكى سبحتين
عامل سلالم من وجع
أطلع لصدرك
أروى عطشى ..أتمنع
أمسك فى حلمات الأمل
جسمك بـُـقـع
صدرك يرضعنى ورضع
من دم شريانى الشقا
وتموتينى ألف مرة
وروحى فيّا وروحى فيكى
ألتقينى ما التقيكى
أتولد تانى فى ثورة
كلمة بتشد ف عروقى
أتفرد وأشب فوقى
شفت صورتك حاضنة شوقى
لسَّـة نايمة قومى فوقى
دول حبايب مش أعادى
قومى قابلى الخطوة خضرا
دى الطيور كانت مهاجرة
جوة منك كات مسافرة
واللى مربوط فى المرابط
بالع التباريح فى جوفه
إنتفض كـسـَّر فى خوفه
حلّ قيده
جاى بيجرى
روح جديدة ساكنة روحه
جوة شريانه ووريده
نازلة تـِسـرى
فَـتَّـح الشبابيك و حاطط
قُـلِّـتِك ع المشربية
طـفّى نار الـحـُرقة منـِّك
لم روح من بدرى شاطت
مَـدّ إيده فى الميدان
ألف إيد تتمـَدّ له وتتمـَدّ لى
قومى يلا اغسلى
إ غسلى الأحزان
وعـَدِّى
نور عيونك لسـّة فضـّى
نهر دمى ليكى يجرى
إنوى صلى اتوضّى وضّى
وافطميمنى مرة تانية
بس من صدر الحقيقة
أفطمينى وانت طاهرة
ضـى قمرة
طَـيِّـبة وصافية وبريئة
رجعينى للحقيقة
بسملى وانوى المشيئة
رجعينى للحقيقة
..........
بـــقــــلــــــم ا لــــشــــــــا عــــــــــر
أ بـــــو عـــمـــــــا ر ا لـــمــــصــــــــــر ى
أعجبني
السبت مارس 26, 2016 1:34 am من طرف حسين محمد
