قصيدة الغشاش
=========
يا ابو سنة لولى وعاجبانى عمرى ماحرجع لك تانى
الحب عندك غناء وموال وكدب ابيض مع حلفان
واصدقك وارجع بحنان واكتشف غشك بجنان
شريط تعيده فى كل مكان لكل طرحة او فستان
واكتشف انك فنان فى النصب والكدب وأوهام
ده انا عودى ابيض كده ملفوف وبيجروا برضه ورايا ألوف
أصلك فلاتى بعين زايغة وتحب فلة وكذا وردة
وكل مااحلف امشى بعيد حنينى لك بيجيبنى اكيد
لكنى برضه كده الاقيك تعبان وديلك لافف بيك
فاكرها يعنى دى شطارة والصيد هواية بسنارة
والحب بحر وامواجه بتزيد ملوحته وعذابه
يارب تغرق كده والاقيك فى بحر حبى يعنى غريق
البعد عنك عذاب وهوان والقرب منك برضه جنان
امتى بقى تعقل يا حسام وتيجيلى نادم على الفلتان
وأرفض بعزة وأقول يا سلام آخرتها تيجى بنص لسان
لكن خلاص انا توبت خلاص عمرى ماحارجع وباخلاص
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
السبت مارس 26, 2016 1:34 am من طرف حسين محمد
