قصيدة المال
========
ياللى تحب المال وعامل له كده تمثال
لايغنى مرة نفوس ولا يزيد فى إيمان
يمكن يزيد فى جمال ويعدل الأحوال
لكن هدوء البال مايشترى بالمال
والصحة برضه اكيد ليها فى يوم زلزال
حيفيد بايه ياهلال لو الألم شغال
وساعتها تدعى بحال تستبدل الأموال
صحيح بكتر المال ممكن تكون خيال
لكن وقوع الحال ده يسوى نوق وجمال
أحمد وبوس فى ايديك لو كنت يوم شغال
ربك حيرضى عليك ورزقك حيبقى حلال
مهما كسبت ألوف والقلب مش عمران
حتقول ياريت وكمان ده نصيبى قل ومال
وتزيد فى قول الاه وتغنى فيه موال
هو الرضا بالحال بتشتريه أموال
يمكن يكون الخال عنده كنوز فى جبال
وقصور دهب فى رمال وحريم وخير ودلال
لكن هدوء البال لا عمره حن ومال
ده ياما كان ياما كان فى سالف الأزمان
ملوك وامرا كمان صاروا عبيد للمال
قارون وقبله هامان يونان وفرس رومان
جمعوا فى ثروة ومال تفوق كتير فى خيال
وفيها رجال أعمال واغراض لجمع المال
لا اخدوا عبرة ولا أمثال واندفنوا فيها جثث فى رمال
واخرتها ايه يعنى يا غزال حفرة صغيرة بدون عنوان
لا يجدى فيها ايها مال لكن اللى يجدى صلاح اعمال
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
السبت مارس 26, 2016 1:34 am من طرف حسين محمد
