براءة اختراع
()()()()
حبك براءة اختراع
من غير أبحاث ولا معامل
دوبتى حروفك فى سطورى
وعملتى بشريانك مع دق القلب
أحلى تفاعل
ع السهم
حرارة شوق
وتلف جميع ذرات نبضى
فى مدارك بطريقة منتظمة
وتفاعل فى الحب تبادل
كل المقادير
زادت فجأة
مع إن المقادير الداخلة
كانت إعجاب
على نظرة وهمسة بوح
ونتايج راح تعمل ثورة
ف علم العشاق
محتاجة إعادة تقييم
للكيميا الناتجة بتأثيرك
وبقدرة قادر
قدرت تملك منى الروح
إنجاز تاريخى
واختراع
كيميا ترجع قلب
ونبض الحب
بعد ما سلم للأوجاع
كان فاكر كل خلايا الشوق
ماتت
كان فاكر إ؟نه
مع زحمة وموذة لاختراعات
والحب المسلوق ومغلف
تيك اواى يتباع
كان فاكر ...ضاع
أطلب لك نوبل فى الحب
لأكيميا الحب
مع سبق ف أكبر موسوعة
لعنيكى الصافية الدلوعة
وبإسمك ...وبخط عريض
على صفحة قلبى الموجوعة
تم تنشيط الأمل
تم التفاعل فى الخلايا
والجينات
وبنجاح تم الشفا
..............
بــقــلــــم ا لــشــــا عـــــــر
أ بـــو عــمــــا ر ا لـــمــصـــــــر ى
السبت مارس 26, 2016 1:34 am من طرف حسين محمد
