( ما اظنش )
دمعه نازله سايله بتجرى ع الخدود
نارها سبقاها ولمعتها ما لها حدود
سافرت من العين لحد ما وصلت حتى السدود
ووقفت الدمعه حيرانه موش لاقيه غير النهود
والعين فى العلالى غرقانه وكاتمه وف شرود
ترمى بدمعه تانيه واللا تمسح دمع السهود ؟
انت فين ياللى بتخلينى فرحانه بطلتك ؟؟؟
غبت ليه عنى بقالى كتير وحشانى نظرتك ؟
كنت لما بشوفك بافرح واهلل واتابع خطوتك
واحضن بالغرام خيالك واتلذذ بمحبتك
واقول لنفسى جالك مرادك يا فرحتك
شوفى الحياه والفرح معاه وعيشى دنيتك
غبت ليه يا غالى عن عينى بقالى كتير مستنياك
هعيش على امل انى فى يوم هحضن تانى هواك
وامنى نفسى وروحى بالفرح يوم لقاك
ونعيش سوا انا والهوى قصة غرام وياك
هو ده كتير على واحده طول عمرها عشقاك ؟؟؟
ما اظنش
سامح ايليا
السبت مارس 26, 2016 1:34 am من طرف حسين محمد
