ناس وناس
آهٍ يا عيني وأهٍ يا عيني
اسمع كلامي وافهم ياعيني
ناس وناس شاطرين كثير
وعندهم ملح العجين
يعني أبالسه و متفننين
الكذب يعني السياسه
والصدق عين التياسه
والهزار تذويب خطوط
شيل الحواجز ,عال مبسوط
أما المنافق إنسان عظيم
إنسان مجامل حلو وكريم
بيحب الكُبار والدفيانين
وأهل المناصب والعاليين
والمعتدل إنسان بسيط
عايش لروحه ومخه تخين
ولا حد يجب سيرة الكمال
ولا القناعة وستر الحال
واللي يشوفه يدوّر عينيه
مش الهدف ومدورش عليه
سيبه في غلبه محركش نفسه
سابه القطار متحزنش عليه
يا ناس سيبوكوا من البكش
والجري في الدنيا بأصول
تبقى أمير ورزقك بتنول
بلاش تكدس الأموال
وعايزها تبقى أنهار وجبال
فين السعاده يا مسكين
عمرها مكانت بالملايين
اللقمه الهنيه بتكفي الميه
وسر السعاده يا سامعين
كلمات / هدى مصلح النواجحة
السبت مارس 26, 2016 1:34 am من طرف حسين محمد
