أبيات بفهد معيض العنزي
أبيات ن أصوغهن بالمدح للي يستاهلونه
وأسوقهن لابو فيصل جعل أيامه أطوال
طيبك يا فهد مستبين وماتعرف غير أفنونه
تبني بالطيب بيوت ن مثل روس الجبال
وغيرك يبني بيوت الردا وبالردا يفرشونه
ملقاك يا فهد وطيبك تظرب به الامثال
فزاع بالخير وما ترضى لغيرك بالمهونه
مبسمك ضاحك وبالجود مثل المطر همال
مبعدن عن درب الردا ومبعدن عن احصونه
وفزعتك لأهل الحفر يوم غيرك عليهم مال
نشهد بها يوم من هو دونك خانهم بعيونه
ويوم جاك القضاع ماقلت هذا من المحال
قلت أبشر وأبعدت عنه الغبن وكل أغبونه
واحييت أدارتك عقب ماهي بالموت منزال
وصرت لأهل الحفر ذخر ومكتبك ينصونه
وبركت للحمل بطيبك وانت للحمل شيال
وزينت منصبك يوم عينوك وعليك ياهونه
وبذلت نفسك لخدمتهم ولطيب انت بذال
وأنزلتهم منازلهم وقدرهم عندك مايجهلونه
هذا من طيبك وفعلك والطيب صعب المنال
وتتعب أجيال ن وأجيال وطيبك ما يلحقونه
هذا قولي وقول غيري ولاني للكذب نقال
أشهدنك شيخ والشيخ ماهو بشت يلبسونه
الشيخة أفعالن ترفع راس راعيها بين الرجال
وتقصر عنه أيادي كثيرن من اللي يطلبونه
وأيدك قصيرة ن بالردا وبالطيب دايم تنال
جعل يفداك يابو فيصل من لطيب يمنعونه
ومن بنو بيت الردا وجعل يفداك كل الأنذال
قريبين ولى بعيدين وعساهم لقولي يسمعونه
أبيات ن قلتهن بالعنزي اللي لطيب فعال
مالي حاجة ن الا حبي بالطيب ومن يبنونه
ابيات ن صاغهن القضاع ومابهن أستحال
بقلم فهد القضاع المطيري
السبت مارس 26, 2016 1:34 am من طرف حسين محمد
