عناق القمر
شروقيه
==================
وحيات وجه القمر وحيات اشواقي
حبك بقلبي بقي عايش باعماقي
وكل ما خيالك ظهر وشفتو عليي هل
بنده بلحن الغزل وين رحت يا ساقي
وبرسم لطيفك صور حتى بقربي يظل
بلاقيه فل وتركني بفية وراقي
وبيصير كاسي الحلو طعمو بطعم الخل
وعالامل بحيا ليوم ال فيه تشتا قي
ونهار لولا مضي وطيفك ما شفتو طل
وعرفت من دون قصد ناوي على فراقي
بيصير فيي العصب متل الوتر منحل
وبعرف غروب الشمس ناوي على فراقي
وما دام عما بتجي هالعمر ما بينمل
وبيظل حبك اليي متل الحرز واقي
وما دام بيت الشعر باقي معي بيظل
شو ظل بدي انا اطلب من الباقي
======================
راضي مشيلح
السبت مارس 26, 2016 1:34 am من طرف حسين محمد
