كحله ع شط البحر
شروقيه
=============
في بحر عينك سنه صارلو الفكر محتار-------وخايف يعربد بموجو ان فتت يرميني
وبحار بعرف كنت لكن صرت ختيار------------بفزع انهبت رياح الشوق ترميني
ويارت لنو التقينا بأول المشوار-----------يوم اللي وهج الجمر ما كان يكويني
تا كنت جبلك من النجمات تاج زرار------------يصرخ بصوتو الحلو دخلك البسيني
وتا قرص وجهك الشمسي اعزمو عالدار--------وكل ما يطل البرد يضهر ويدفيني
لكن يا شمسي خفت ابدا اللعب بالنار--------ورماد صفّي و كيفو الريح يذريني
وحتى ما يبقى الفكر متلبك ومحتار----وتايزول خوفي ال نبع من مرقت سنيني
متلي تعالي احملي من صورتي تذكار---يما شي كحله ع شط البحر رشيني
==========================================
راضي مشيلح
السبت مارس 26, 2016 1:34 am من طرف حسين محمد
