بقلمي عادل عوف
حالة تشبه لإكتئاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،ع
حالة تشبه لإكتئاب
لكنه فيض حُزن وآنين
مستسلمه لكل العذاب
يا نفس مشتاقة الحنين
متضفره جنحات هواكى
متوفره كل الكسور
سهل جدا من سماكي
تتطعمى كل النسور
مستباحه
بكل أنواع التناحه
والكل عايز فيكي دور
يا ورد طالع مستخبي مش أوانك
ازاي تأمن للي هانك
ازي توفر للي خانك
شهادة زور
يا نفس مشروطة بإزاز الكدب مالك
هو اللي بيرسم ع الحيطان كتالوج أمالك
قال في مرة إن الجدار قديم و هالك
طب عمره مره مد إيد الرحمة عانك
أو فك أسر قيود حلالك
أو حتى خضر من خلالك
فكرة بُور
من فين طابور الكدابين و لحد فين
من نن قلبي لحد آخر نجمتين
من ضحكة ماتت
لحد آخر دمعتين
من نسمة فاتت في ضلوع البردانين
لحد لحد الحق متكفن بجور
#عادل_عوف
السبت مارس 26, 2016 1:34 am من طرف حسين محمد
