بقلمي عادل عوف
خليك راجل أد كلامك
ونفذ وعد وعودتها بيه
قلبها حبك علشان صدق
انك تقدر يوم تحميه
اوع تفكر انها سهلة
وإنها ساذجة وإنك شاطر
عمر الحب ماكان يوم تهمة
ف إزاي ألوم القلب الطاهر
اللي امن لك لما وعدته
اللي فتحلك طاقة نور
هو الغدر تملي دي عادته
ينكر وعد وحلم حملته
ويحلف كدب ويشهد زور
فين الحب وفين اللهفة
مقنع جدا في التمثيل
كل يومين تعمل لك قفلة
جاهز إنت أكيد ببديل
بس أتأكد إنها تكسب
لما هتخسر قلب جنابك
هتزعل حبه وبعدين تنسى
حتى بناقص منه عتابك
شكلك عايش فيها دور روميو
وقلبك تكسى لكل ما هب
قبلك ياما كتير وإتعميو
لما الحب حكم في القلب
فإختاروا إما القلب اللعبى
أو إنسان بمشاعر تلج
أصلها زي ما تأخذ تيدى
دنيا وكل ما فيها بيجرى
حتى العمر يقولك بدرى
فإلحق قبل ماتمشى وسد
#عادل_عوف
السبت مارس 26, 2016 1:34 am من طرف حسين محمد
