سافر حبيبي
ــــــــــــــــــــــ
من غير وداع كده سافر حبيبي
علي جمر الشوق فضلت مستني
ودموع العين آه يانا لفراقه تألمني
فكرك مش ناسيك ياتري أنت فاكرني ؟
في بعدك أعد الأيام أمتي تيجي ترحمني
الناس في عيونهم وكلامهم همس وبيسألوني
إيه جرالك غير حالك والله حيروني
معرفش أكدب وإن كدبت عيوني يفضحوني
اللوم في عنيهم باين طب ليه بيلوموني
تعالي ياسر عذابي كفاية تعالي طفي ناري
ردي علي عزالي ارحميني يا طول انتظاري
مش عارف أفرق ليه بعدك بين ليلي ونهاري
وبقيت أقدم للناس دايما علي طول أعذاري
يوم أتأخر وأيام أتهور مش ممكن تتصور كم اعتذاري
غيرت حالي ياحبي الغالي أرجوك تعالي وكفايه تعالي
الأماكن والسواكن كلها بقت تبكي لحالي
وأنا دايما ساكت وآلامي فاقت كل احتمالي
بعت رسايلي ولحدش جايلي من طرفك ياغالي
يقولي أخبارك طب إيه اللي جرالك طمني ياقاسي
معقولة ما حسيتشي ودموعك ماسالتشي
قلبك محرقشي في البعد ضلوعك
طب أمتي رجوعك ماتقولي خضوعك
طريقه منين يابو قلب متين دا أنا والله مسكين
ـــــــــــــــــــــــــــــــــــــــــــــــــــــــــــــــــــــــــــــــــــ
بقلمي / محمود مسعود (( شعر عامي )) 21/1/2016
السبت مارس 26, 2016 1:34 am من طرف حسين محمد
