دا كل مرادي
ـــــــــــــــــــــــ
فاتت جنبنا ...
نسمة هبت من حينا .....
خلتنا كلنا ...
نشك في بعضنا ....
رمت الحلوة نظرة........
من غير كدة لا مؤاخذة ....
ما تقول لمين فينا .
طار السلام منا ........
وبقينا وكأنا ....
بنحارب بعضينا........
في ميدان معركة .....
فاتت من جنبنا ...
نسمة هبت من حينا .....
خلتنا كلنا ...
نشك في بعضنا ....
رمت الحلوة نظرة........
من غير كدة لا مؤاخذة ....
ما تقول لمين .
طار السلام منا ........
وبقينا واقفين وكأنا ....
بنحارب بعضينا........
في الميدان معركة .....
بقت تظهر أسلحة ...........
مـ الايافة و الشياكة ..........
والكلام المعسول..........
اللي يراعي الاصول ......
ويخاطب قلبها ..................
استمرت كدة أيام .........
معركة ولا في الاحلام ........
الضحية حبها ......
مين يفوز بيها مين .....
سؤال واعر وضنين .........
مين يجاوبه مين ......
غير هي وحدها .................
وفـ يوم من الأيام .....
ماشي كدة ياسلام........
متلمع ومتهندم..........
بفكر فيها وفــ حالي........
قلبي ياعالم مش خالي...........
فجأة القاها قدامي.............
علي طول رحت متسمر ..........
جت عنيها في عنيا........
ساعتها راحت قايلة........
بصوت كله حنية .........
وحياتك سيب ايديا.........
كنت تايه بس حاسس .........
بعنيها والوبا ............
جسمي كله قادت فيه .........
علي سهوة ال كهربا ..........
مابقتش عارف ...........
غير اني شايف ............
جمالها وحسنها .............
يا ناس الحقوني ...........
بسرعة هاتولي ..........
أبوها أو عمها ...............
علشان الحلوة دية...........
وقعت في حبها..............
قدمت اعتذاري..............
ومابين سهدي وناري..............
قلتلها وانا مش داري...............
بحبك !!!!!
واتمني قربك.....................
ايه بس المطلوب.......................
ياروحي وابقي جنبك ..........................
قالت ياظريف ...........................................
ياجميل ولطيف .........................
دا القرب مني ....................................
محتاج تكاليف .....................................
لو انت قادر ................................
تعالي بادر .................................
وادفع مصاريف .............................
قلبي خلاص صفالك .............................
مش شايفة بس غيرك ..............................
والقلب اليك بيميل .............................
قلتلها ياحياتي .....................................
دا كل مرادي ..........................................
البيت فين ياجميل ..................................
ردت وهي خايفة ..................................
لتكون الناس شايفة ....................................
قدامك أهه يا اصيل ..........!!
ـــــــــــــــــــــــــــــــــــــــــــــــــــــــــــــــــــ
بقلمي / محمود مسعود ( شعر عامي ) 16/2/2016م
السبت مارس 26, 2016 1:34 am من طرف حسين محمد
