قالولي
ـــــــــــــ
قالولي في عنيك شيء غريب
شيء يخلي البعيد قريب
قلت وماله بس أجرب
واحدة واحدة بديت أقرب
شوفت رموشك شعلة لهيب
تحت جفونك ظل عجيب
خلي قلبي يزيد تعذيب
كنت آوح كل شيء
كنت ابرر كل مرة
عنادي
وقول لنفسي أنت بره
قلبك مش ممكن يصيب
يوم حليوة بس صعيب
عشت الحالة رحت أجيب
غنوة حلوة كلمة حلوة
بس أقرب للحبيب
ابقي جنبك يزيد تنهيدي
صورتك في ليلي قدام عيوني
همس شفايفك ياما سهروني
أدوب أدوب كل يوم
ما استحملش ليك اللوم
ولا عتاب عشان محروم
م اللي جفاني طير النوم
وبدأت اصدق اللي قالولي
في يوم عنيك ولا عليك
يانور عيوني
ــــــــــــــــــــــــــــــــــــــــــــــــــ
بقلمي / محمود مسعود ( شعر عامي ) 10/2/2016م
السبت مارس 26, 2016 1:34 am من طرف حسين محمد
