الصديق الوفي
مو كل من قال أودك صار يغليك ولا كل من شاف الهوى صار عاشق
الزمن دونك والأيام ترابيك تقرأ اصناف الناس غرب ومشارق
عسى الفرح والرزق تاج لمعاليك لا ضاقت الدنيا على الخلايق
أحفظ أبد ياعماد خير أواصيك إنت الخوي بافعالك والقول صادق
ما حييت أبد يا خوي دوم أناديك والمسك لأجلك أنثره والطيب عابق
لا ترتجي يا خوي من بالرخا يأتيك وعند الشدايد للريح سابق
دوم احتفظ باللي يحفظ طاريك بوجه النميمة للباب غالق
يحفظ لك الود وع الخير يداديك دوم بفعال الحق منك بواثق
يغض البصر لين ذلت خطاويك وأبد ما هو للخطأ منك يلاحق
يلاقي لك العذر وع الدرب يهديك وأبد ماهو لحقك مهما طال الزمن سارق
يحفظ لك من وقفة الذل لو ضاقت عليك ويرسل لك ولا يخلك لبابه بطارق
وسلامتكم
بقلمي _ رياض فياض
السبت مارس 26, 2016 1:34 am من طرف حسين محمد
